Tembipuru Guaraníme

Tembiapopy rehegua

PortalCheck ningo oñemboguata omoĩ hag̃ua ñande pópe tembipuru ñaikotevẽva jahapereka hag̃ua marandúpa añeteguáva hína ha ani hag̃ua ñamyasãi jaikóvo umi ñanemokañýva rehegua. Ko tembiapo aporãme oñemoirũ unesco, Chequeado ha LatamChequea, Unión Europea viruñeme’ẽ rupive. Ãpe oñembyaty nota ha tembipuru oguenohẽva umi oikóva ohapykuerereka marandukuéra ñane region-pe, opaichagua tapicha oipurusévape g̃uarã ko’ã mba’e.

Ápe rejuhúta mi tembiapo ojejapóva ojehechakuaa hag̃ua umi marandu isarambíva COVID-19 rehegua apytépepa, oĩ hína añetegua’ỹva, ha rejuhúta opaichagua lája; oĩ avei periodista-pe g̃uarã tembipuru, ha mba’e oipytyvõtava ichupe ohechakuaa hag̃ua añeteguápa umi oñemosarambimeméva, ha avei oĩ tembiaporã mbo’eharakuérape g̃uarã, oipuru hag̃ua hembimbo’ekuéra ndive mbo’ehaópe. Oĩ avei mba’e oñemoĩva tetãnguéra moakãhára ha tetã remimoimby oipuru hag̃ua; avei peteĩ tenda influencer ha contenido apohára oipuru hag̃ua, ikatu hag̃uáicha ojoko marandu’ỹ, anitei omosarambi ohechakuaa’ỹre ijapuha hína upéva upe marandu.

Pe PortalCheck ojekuaaukahague árape oĩ kuri 3.000 ári ohecháva ha haimete 50.000 oikéva upe tendápe, upe jasykõi 2021 guive.

Marandu aty ojeipuruva’erã

Opavave ñahenonde’ava’erã oñondive umi marandu nañemokañýva rehegua, ha jaipuruva’erã ñane akã ani hag̃ua jaguerovia umíva peichapéichante; kóicha jajapórõ, ko mba’asy ndoguapy vaietereimo’ãi ñanderehe. Upevarã rojapo peẽme g̃uarã ko marandu aty Portalcheck ha UNESCO omyasãiva Unión Europea pytyvõme.

Ko jehaipyre omohesakã mba’éichapa periodista-kuéra, marandukuéra myasãihára, Tetã Rekuái Tesãirã, tasyo opaichagua, tenda oñeporovakunahápe, atykuéra omba’apóva tekombo’erã rehe, aty omba’apóva hapichakuéra ndive hekoha rupi ha umi tenda oporombyatýva jeroviapy rupive oipurukuaa ko tembipuru aty PortalCheck omyasãiva ani hag̃ua ojeguerovia marandu hekope’ỹva og̃uahẽva ñandéve Latinoamérica ha Caribe pukukue jave.

Mba'éichapa ojeipuruva'erã marandukuéra

Marandu oñemyasãi hag̃ua redes sociales rupive

Marandu correo electrónico-pe ojeipuru hag̃ua

Kuatia’i oñembojáva rehegua

Marandu mesápe g̃uarã

Kuatia guasu marandurã

Kuatiaveve marandurãva

PortalCheck TV: la serie

Marandudemia: la serie

Mbo’epy ha webinar kuéra